I området rundt sentrum av Nordfjordeid står det i dag mange låvar som ikkje er i bruk (Figur 1). I sjølve sentrum har andre byggtypar akkumulert. Framleis står ein ganske stor låve att, den står no tom med ei usikker framtid (Figur 2). Mykje av låven er endra sidan den vart bygt fordi den har tilpassa seg ulike bruksområde opp gjennom åra(Figur 6-7). Samstundes er deler av bygget meir urørt, blant anna søyler og murveggar. Med prosjektet ønskte eg å synleggjere at ein låve sine kvalitetar er verdt å ta vare på. Ved å bruke bygget vidare kan ein ta vare på og framheve nokre av bygget sine særpreg. Dette kan òg fortelje noko om området si historie, og låven si tilpassing til ulike program. For å ta vare på låven og kople den betre til resten av sentrum av Nordfjordeid, kom eg med ein idé om å utvikle låven til eit aktivitetssenter med program for alle aldrar (Figur 8).
Låvar er ofte større bygg som gjer at dei har noko redusert kapasitet til å få inn dagslys. Å skape atmosfærar i bygget der ein spelar på overgangar mellom mørke og opplyste soner, kan vere eit element som skapar spenningar og skuggespel mellom det eksisterande og det nye (Figur 9,11,12).
Rundt låven er òg eit grøntområde, som burde blitt utnytta i større grad enn det blir i dag. Dessverre er det slik at dette området har fått mindre aktivitet dei siste åra. Eg kom difor med eit forslag til korleis låven og området rundt, saman kan gje eit nytt tilbod på Nordfjordeid (Figur 4). Låven og grøntområdet har eit stort potensiale til å bli eit bindeledd som skapar samhald i lokalsamfunnet, noko eg ønskte å synleggjere i dette prosjektet. Gjennom å utvikle parkområdet kring låven der ein utvidar parken og etablerer nye volum og program, vil ein invitere meir folk til området (Figur 5). Dette kan gjere parken kring bygget meir attraktiv for fotgjengarar, og slik vil fleire oppdage og oppsøke aktivitetssenteret.
Studie av kor mange låvar det er i eit område, og kor mange av dei som er i bruk i dag.
Låven (raud) i sentrum av Nordfjordeid
Prosess
Intensjon - Å invitere til bruk av området, skape liv i sentrum der parken og aktivitetssenteret snakkar saman.
Låven har ei lang historie med å tilpasse seg til ulike program og har difor endra seg i takt med nye behov. Teikninga illustrerer korleis låven har forandra seg gjennom tida. Raude markeringar viser element som er fjerna, medan blå markeringar viser nye element i bygge
Biletet frå låven, som viser materialitet, endringar, lys og skugge
Snitt og plan av låven, som viser korleis låven kan bli transformert til eit aktivitetssenter. Her ser vi rominndeling, og eksempel på program som kan sette lys på historia til låven og lokke folk til bygget (treverkstad, syrom, bibliotek med handverk- og hobbylitteratur og rom for andre sosiale samankomstar).
Illustrasjon som viser relasjonen mellom eksisterande og nye element i låven
Konstruksjonsprinsipp av nye volum i låven
Lyskonseptstudie inspirert av lysspel ein finn i låvevegg
Stemningsbilete av prosjektforslag
Området rundt låven har potensiale til å bli eit bindeledd i Nordfjordeid ved å gjere området om til eit meir fotgjengarvennleg samfunn der ein etablere program som når ulike grupper og får fleire til staden. Dette ved å blant anna utvide parken for å knytte området betre til sentrum og å etablere nye volum i grøntområdet, slik som ein kafé.
